VAIO E15 ലാപ്ടോപ്പ് ഇന്ത്യയില്‍ ജനുവരി 15ന് ലോഞ്ച് ചെയ്യുമെന്ന് ഫ്ലിപ്കാർട്ട്!
ഒരു കാലത്ത് ലാപ്ടോപ്പിനെ കുറിച്ച്‌ സംസാരിക്കുമ്ബോള്‍ എല്ലാവരുടേയും ഇഷ്ടപ്പെട്ട മോഡലായി പറയാറുള്ള, ഒറ്റപ്പേരായിരുന്നു, ‘സോണി വായോ’ (Sony VAIO). എന്നാല്‍, അഞ്ച് വര്‍ഷങ്ങള്‍ക്ക് മുമ്ബ് സോണി, വായോ ലാപ്ടോപ്പുമായി ഇന്ത്യയില്‍ നിന്നും പോയി. പലരും നിരാശരായെങ്കിലും ഒരു പ്രതീക്ഷ നല്‍കിക്കൊണ്ട് ചില രാജ്യങ്ങളില്‍ സ്വതന്ത്ര ബ്രാന്‍ഡായി വായോ 2018-ല്‍ തിരിച്ചെത്തി. ഫ്ലിപ്കാര്‍ട്ട് വായോ-യുടെ ഇന്ത്യയിലെ റീ-ലോഞ്ച് ടീസ് ചെയ്യാന്‍ തുടങ്ങിയിട്ട് ഒരു മാസമായി. എന്നാല്‍ കമ്ബനി ഇന്ന് ലോഞ്ച് ഡേറ്റും ഒപ്പം ലാപ്ടോപിന്റെ പേരും പുറത്തുവിട്ടിരിക്കുകയാണ്. VAIO E15 എന്ന ലാപ്ടോപ്പ് ഇന്ത്യയില്‍ ജനുവരി 15ന് ലോഞ്ച് ചെയ്യുമെന്നാണ് ഫ്ലിപ്കാര്‍ട്ടിന്റെ ലാന്‍ഡിങ് പേജില്‍ തന്നെ സൂചന നല്‍കിയിരിക്കുന്നത്.കൂടെ ലാപിന്റെ ഡിസൈനും പങ്കുവെച്ചിട്ടുണ്ട്. സില്‍വര്‍ കളറില്‍ മിനിമല്‍ ലുക്കോടെയെത്തുന്ന ലാപിന് ഒരു ബ്രൈറ്റ് ഗ്രീന്‍ പവര്‍ ലൈറ്റും കമ്ബനി നല്‍കിയിട്ടുണ്ട്. വളരെ നേര്‍ത്ത ബെസല്‍സുള്ള 15 ഇഞ്ച് ഫുള്‍ എച്ച്‌ഡി ഐ.പി.എസ് ഡിസ്പ്ലേയും 10 മണിക്കൂര്‍ ബാറ്ററി ജീവിതവും ഡ്യുവല്‍ സ്പീക്കറുകളും VAIO E15-െന്‍റ പ്രത്യേകതകളായിരിക്കും. രണ്ട് USB 3.1 Type-A ports, ഒരു USB Type-C port, ഒരു HDMI, ഒരു മൈക്രോ എസ്ഡി കാര്‍ഡ് സ്ലോട്ട് എന്നിവയും ഉണ്ടായിരിക്കും. പുതിയ ലാപിനെ കുറിച്ച്‌ കൂടുതല്‍ വിവരങ്ങളൊന്നും തന്നെ വായോ ഫ്ലിപ്കാര്‍ട്ടിലൂടെ പുറത്തുവിട്ടിട്ടില്ല.
