കൊവിഡ് 19 വാക്സിൻ; വിവിധ കൊവിഡ് വാക്സിനുകൾക്ക് ഇന്ത്യയിലെ വില നിലവാരം ഇങ്ങനെ  

: കൊവിഡ് വാക്സിനേഷനായി കേരളത്തിലേയ്ക്ക് ആദ്യ ഡോസ് വാക്സിൻ എത്തുകയാണ്. കുറഞ്ഞത് 3 കോടി പേര്‍ക്കാണ് ആദ്യഘട്ടത്തിൽ വാക്സിൻ നൽകുക. 27 പേര്‍ക്ക് പേര്‍ക്ക് രണ്ടാം ഘട്ടത്തിൽ വാക്സിൻ നൽകും. സംസ്ഥാനത്ത് 3,62,870 പേര്‍ ആദ്യഘട്ടത്തിൽ വാക്സിനായി രജിസ്റ്റര്‍ ചെയ്തിട്ടുണ്ട്. സര്‍ക്കാര്‍ മേഖലയിൽ 1.7 ലക്ഷം പേരും സ്വകാര്യ മേഖലയിൽ 1.9 ലക്ഷം പേരുമാണ് വാക്സിനായി രജിസ്റ്റര്‍ ചെയ്തിരിയ്ക്കുന്നത്. നികുതി കൂടാതെയാണ് ഇത്.
200 രൂപ മുതലാണ് കൊവിഡ് വാക്സിനുകളുടെ വില. ഹൈദരാബാദ് കേന്ദ്രീകരിച്ച് പ്രവര്‍ത്തിയ്ക്കുന്ന ഭാരത് ബയോടെക്ക് 295 രൂപയാണ് ഒരു ഡോസ് കൊവിഡ് വാക്സിന് ഈടാക്കുന്നത്. 55 ലക്ഷം കൊവാക്സിൻ ഓര്‍ഡറാണ് കേന്ദ്ര സര്‍ക്കാര്‍ നൽകിയിരിക്കുന്നത്.

ജനുവരി 14ന് മുമ്പ് 12 കേന്ദ്രങ്ങളിലാണ് വാക്സിൻ വിതരണം. അതേസമയം സിറം ഇൻസ്റ്റിറ്റ്യൂട്ടും ഒക്സ്ഫോര്‍ഡ് സര്‍വകലാശാലയും ചേര്‍ന്ന് നിര്‍മിയ്ക്കുന്ന കൊവിഡ് വാക്സിൻ 200 രൂപയ്ക്ക് സര്‍ക്കാരിന് ലഭ്യമാക്കിയേക്കും. കൊവിഷീൽഡിൻെറ ആദ്യ 10 കോടി ഡോസാണ് കുറഞ്ഞ ചെലവിൽ സര്‍ക്കാരിന് നൽകുന്നത്. കൊവിഷീൽഡിനും കൊവാക്സിനും പുറമെ മറ്റു മരുന്നു നിര്‍മാണ കമ്പനികളുടെ വാക്സിനുകളും ഉടൻ വിണിയിൽ എത്തും.

കൊവിഷീൽഡ്- നിലവിൽ ഏറ്റവും കുറഞ്ഞ വിലയിൽ ലഭ്യമാകുന്ന വാക്സിൻ ഇതാണ്. 200 രൂപയാകും ഒരു ഡോസിന് ഈടാക്കുക. സ്വകാര്യ ഔട്ട്ലെറ്റുകളിൽ 1,000 രൂയായിരിയ്ക്കും വാക്സിന് ഈടാക്കുക.
കൊവാക്സിന് ആദ്യഘട്ടത്തിൽ 206 രൂപ വീതവും പിന്നീട് 295 രൂപ വീതവുമായിരിക്കും ഈടാക്കുക.
ദേശീയ റിപ്പോര്‍ട്ടുകൾ അനുസരിച്ച് ഫൈസര്‍- ബയോൺടെക്ക് വാക്സിന് 1431 രൂയായിരിയ്ക്കും വില ഈടാക്കുക.
മോഡേണ 2,348 രൂപയ്ക്കും 2,715 രൂപയ്ക്കും ഇടയിലുള്ള വിലയ്ക്കാകും വാക്സിൻ ലഭ്യമാക്കുക. സിനോവാക് ബയോടെക് 1,027 രൂപയാണ് വാക്സിൻ വില നിശ്ചയിച്ചിരിയ്ക്കുന്നത്. നൊവാവാക്സ് ഡോസിന് 1,114 രൂപയായിരിയ്ക്കും വില. ജോൺസൺ ആൻഡ് ജോൺസൺ 734 രൂപയ്ക്ക് വാക്സിൻ ലഭ്യമാക്കുമ്പോൾ സിനോഫാം വാക്സിൻ വില 5,650 രൂപയായിരിയ്ക്കും എന്നാണ് സൂചന.