ബാങ്ക് ഇതര ധനസ്ഥാപനങ്ങളെ പരിഷ്കരിക്കാന്‍ ആര്‍ബിഐ!
മുബൈ: ബാങ്ക് ഇതര ധനസ്ഥാപനങ്ങളെ (എന്‍ബിഎഫ്സി) 4 തട്ടുകളായി തിരിച്ച്‌ നിയന്ത്രണവ്യവസ്ഥകള്‍ പരിഷ്കരിക്കാന്‍ റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) ആലോചിക്കുന്നു. ബന്ധപ്പെട്ടവരില്‍നിന്ന് അഭിപ്രായം തേടാന്‍ ആര്‍ബിഐ കരടുരേഖ പ്രസിദ്ധീകരിച്ചു. ഒരു മാസം അഭിപ്രായം സമര്‍പ്പിക്കാം. എന്‍ബിഎഫ്സികളുടെ വലുപ്പം കൂടിയതും ധനകാര്യരംഗത്ത് ഒട്ടേറെ സ്ഥാപനങ്ങള്‍ ബന്ധപ്പെട്ടു പ്രവര്‍ത്തിക്കുന്നതുംമൂലം ഈ രംഗത്തു തകര്‍ച്ചയുണ്ടാകുന്നതു വലിയ പ്രത്യാഘാതമുണ്ടാക്കുമെന്നു വിലയിരുത്തുന്നു. ഇതൊഴിവാക്കാന്‍ എന്‍ബിഎഫ്സികളെ ചെറുത്, ഇടത്തരം, ഉയര്‍ന്നതരം, ഏറ്റവും ഉയര്‍ന്നതരം എന്നിങ്ങനെ വേ‍ര്‍തിരിച്ച്‌ അനുയോജ്യമായ നിയന്ത്രണം ഏര്‍പ്പെടുത്താനാണ് ആര്‍ബിഐ ശ്രമം.
