ജെഫ്​ ബെസോസിനും ടെസ്​ല സി.ഇ.ഒ ഇലോണ്‍ മസ്​കിനുമൊപ്പം അതിസമ്ബന്നരുടെ പട്ടികയില്‍ ഇടംപിടിച്ച്‌​ മുകേഷ്​ അംബാനിയും  

ന്യൂഡല്‍ഹി: ആമസോണ്‍ സ്ഥാപകന്‍ ജെഫ്​ ബെസോസിനും ടെസ്​ല സി.ഇ.ഒ ഇലോണ്‍ മസ്​കിനുമൊപ്പം അതിസമ്ബന്നരുടെ പട്ടികയില്‍ ഇടംപിടിച്ച്‌​ മുകേഷ്​ അംബാനിയും.100 ബില്യണ്‍ ഡോളറില്‍ കൂടുതല്‍ ആസ്​തിയുള്ള 11 പേരാണ്​ പട്ടികയില്‍ ഇടംപിടിച്ചിരിക്കുന്നത്​. ബില്‍ഗേറ്റ്​സ്​, മാര്‍ക്ക്​ സൂക്കര്‍ബര്‍ഗ്​, വാരന്‍ ബഫറ്റ്​ എന്നിവരും പട്ടികയില്‍ ഉള്‍പ്പെടും. 100.6 ബില്യണ്‍ ഡോളറിന്‍റെ ആസ്​തിയുമായാണ്​ മുകേഷ്​ അംബാനി അതിസമ്ബന്നരുടെ പട്ടികയിലേക്ക്​ എത്തിയത്​.

റിലയന്‍സ്​ ഇന്‍ഡസ്​ട്രീസിന്‍റെ ഓഹരികള്‍ക്ക്​ വന്‍ മുന്നേറ്റമുണ്ടായതോടെയാണ്​ അംബാനിയുടെ ആസ്​തിയും കുതിച്ചത്​. ഇൗ വര്‍ഷം മുകേഷ്​ അംബാനിയുടെ ആസ്​തിയില്‍ 23.8 ബില്യണ്‍ ഡോളിന്‍റെ വര്‍ധനയുണ്ടായി. 2005ലാണ്​ പിതാവ്​ ധീരുഭായ്​ അംബാനിയുടെ എണ്ണ, പെട്രോകെമിക്കല്‍ വ്യവസായങ്ങള്‍ മുകേഷ്​ അംബാനി ഏറ്റെടുത്തത്​.

പിന്നീട്​ റീടെയില്‍, ടെക്​നോളജി, ഇ-കോമേഴ്​സ്​ തുടങ്ങിയ മേഖലകളിലേക്കും അംബാനി വ്യവസായ സാമ്രാജ്യം വ്യാപിപ്പിച്ചു. 2016ല്‍ റിലയന്‍സ്​ ആരംഭിച്ച ടെലികോം വിഭാഗമായ ജിയോ ഇന്ത്യയിലെ പ്രമുഖ കമ്ബനികളിലൊന്നാണ്​. വരുംകാലത്തിന്‍റെ സാധ്യതകള്‍ മനസിലാക്കി ഊര്‍ജ വ്യവസായത്തിലേക്കും ചുവടുവെക്കാനുള്ള ഒരുക്കത്തിലാണ്​ അംബാനി.