Vivo X60, Vivo X60 Pro എന്നിവ ചൈനയില്‍ അവതരിപ്പിച്ചു
ഏറ്റവും പുതിയ മുന്‍നിര സ്മാര്‍ട്ട്ഫോണുകളായ വിവോ എക്സ് 60, വിവോ എക്സ് 60 പ്രോ (Vivo X60, Vivo X60 Pro) എന്നിവ ചൈനയില്‍ അവതരിപ്പിച്ചു. വിവോ എക്സ് 50 സീരീസ് വിപണിയില്‍ പ്രവേശിച്ച്‌ ഏതാണ്ട് ഏഴുമാസത്തിനുശേഷം വിവോ എക്സ് 60, വിവോ എക്സ് 60 പ്രോ എന്നിവ മികച്ച സവിശേഷതകളും ഡിസൈനുമായി അവതരിപ്പിച്ചു.
വിവോ എക്സ് 60, വിവോ എക്സ് 60 പ്രോ എന്നിവ നവംബറില്‍ അവതരിപ്പിച്ച സാംസങ്ങിന്റെ എക്‌സിനോസ് 1080 SoC പ്രോസസറുമായി വരുന്നു. രണ്ട് പുതിയ വിവോ ഫോണുകളും 120 ഹെര്‍ട്സ് വരെ റിഫ്രഷ് റേറ്റ് വാഗ്ദാനം ചെയ്യുന്ന ഇ 3 അമോലെഡ് ഡിസ്പ്ലേയുമായി വരുന്നു, ഒപ്പം സീസ് ഒപ്റ്റിക്സും ഉള്‍പ്പെടുന്നു. മധ്യത്തില്‍ വിന്യസിച്ച പഞ്ച്-ഹോള്‍ ഡിസ്പ്ലേയും ഇതില്‍ ഉണ്ട്.വിവോ എക്സ് 60, വിവോ എക്സ് 60 പ്രോ എന്നിവയ്‌ക്കൊപ്പം ജനുവരിയില്‍ അവതരിപ്പിച്ച സീരീസിന്റെ പുതിയ പ്രീമിയം ഫോണായി വിവോ എക്സ് 60 പ്രോ + സൂചിപ്പിക്കപ്പെടുന്നു.ചൈനയില്‍ 8 ജിബി + 128 ജിബി സ്റ്റോറേജ് വേരിയന്റിനായി വിവോ എക്സ് 60 വില സിഎന്വൈ 3,498 (ഏകദേശം 39,300 രൂപ) ലഭ്യമാക്കിയിട്ടുണ്ട്. അതേസമയം 8 ജിബി + 256 ജിബി സ്റ്റോറേജ് ഓപ്ഷന്‍ സിഎന്വൈ 3,798 (ഏകദേശം 42,700 രൂപ) ആണ് വില നല്‍കിയിരിക്കുന്നത്. ടോപ്പ്-ഓഫ്-ലൈന്‍ 12 ജിബി + 256 ജിബി സ്റ്റോറേജ് ഓപ്ഷന്‍ സിഎന്വൈ 3,998 ല്‍ ലഭ്യമാണ് (ഏകദേശം 45,000 രൂപ). വിവോ എക്സ് 60 പ്രോ, സിംഗിള്‍ 12 ജിബി + 256 ജിബി സ്റ്റോറേജ് മോഡലില്‍ വരുന്നു. അതിന്റെ വില സിഎന്വൈ 4,498 ആണ് (ഏകദേശം 50,600 രൂപ). വിവോ എക്സ് 60 ഗ്രേ, പര്‍പ്പിള്‍, വൈറ്റ് കളര്‍ ഓപ്ഷനുകളില്‍ വരുന്നു. വിവോ എക്സ് 60 പ്രോയ്ക്ക് ഗ്രേ, പര്‍പ്പിള്‍ കളര്‍ ഓപ്ഷനുകളുണ്ട്. ഈ രണ്ട് ഫോണുകളും ചൈനയില്‍ പ്രീ-ഓര്‍ഡറുകള്‍ക്കായി ലഭ്യമാണ്. ഈ ഹാന്‍ഡ്സെറ്റുകളുടെ കയറ്റുമതി ജനുവരി 8 മുതല്‍ ആരംഭിക്കും. എന്നാല്‍, ഇവയുടെ ഗ്ലോബല്‍ ലോഞ്ചിനെ കുറിച്ച്‌ ഇതുവരെ ഒരു വ്യക്തതയും ലഭിച്ചിട്ടില്ല. വിവോ എക്സ് 60, വിവോ എക്സ് 60 പ്രോ എന്നിവ മാറ്റിനിര്‍ത്തി വിവോ എക്സ് 60 പ്രോ + കുറിച്ച്‌ നോക്കിയാല്‍ ഇത് ജനുവരിയില്‍ ക്വാല്‍കോം സ്‌നാപ്ഡ്രാഗണ്‍ 888 SoC പ്രോസസറുമായി അവതരിപ്പിക്കും. ജൂണ്‍ മാസത്തില്‍ വിവോ എക്സ് 50, വിവോ എക്സ് 50 പ്രോ, വിവോ എക്സ് 50 പ്രോ + എന്നിവ ചൈനയില്‍ സിഎന്വൈ 3,498 (ഏകദേശം 39,300 രൂപ) വിലയ്ക്ക് പുറത്തിറക്കി. വിവോ എക്സ് 50, വിവോ എക്സ് 50 പ്രോ എന്നിവ ജൂലൈയില്‍ ഇന്ത്യയില്‍ അവതരിപ്പിച്ചു.ഡ്യുവല്‍ നാനോ സിം വരുന്ന വിവോ എക്സ് 60 ആന്‍ഡ്രോയിഡ് 11 ഒറിജിനോസ് 1.0 വരുന്ന ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്നു. 6.56 ഇഞ്ച് ഫുള്‍ എച്ച്‌ഡി + (1,080×2,376 പിക്‌സല്‍) അമോലെഡ് ഡിസ്പ്ലേ, 19.8: 9 ആസ്പെക്റ്റ് റേഷിയോ, 120 ഹെര്‍ട്സ് റിഫ്രഷ് റേറ്റ്, പി 3 കളര്‍ ഗാമറ്റ് എന്നിവ ഇതില്‍ ഉള്‍പ്പെടുന്നു. ഡിസ്പ്ലേ എച്ച്‌ഡിആര്‍ 10, എച്ച്‌ഡിആര്‍ 10 + സപ്പോര്‍ട്ട് ചെയ്യുന്നു. വികസി എക്സ് 60, ഒക്ടാ കോര്‍ എക്‌സിനോസ് 1080 SoC പ്രോസസര്‍, ARM മാലി-ജി 78 ജിപിയു, 12 ജിബി വരെ എല്‍പിഡിഡിആര്‍ 4 എക്സ് റാം എന്നിവയുമായാണ് വരുന്നത്. ട്രിപ്പിള്‍ റിയര്‍ ക്യാമറ സെറ്റപ്പ് വരുന്ന ഈ ഹാന്‍ഡ്‌സെറ്റില്‍ 48 മെഗാപിക്സല്‍ പ്രൈമറി സെന്‍സറും എഫ് / 1.79 ലെന്‍സും നാല് ആക്സിസ് ഒപ്റ്റിക്കല്‍ ഇമേജ് സ്റ്റെബിലൈസേഷനും (ഒഐഎസ്) ഉണ്ട്. ക്യാമറ സെറ്റപ്പില്‍ 13 മെഗാപിക്സല്‍ സെക്കന്‍ഡറി സെന്‍സറും എഫ് / 2.2 അള്‍ട്രാ വൈഡ് ആംഗിള്‍ ലെന്‍സും 13 മെഗാപിക്സല്‍ പോര്‍ട്രെയിറ്റ് ഷൂട്ടറും ഉള്‍പ്പെടുന്നു.
വിവോ എക്സ് 60 മുന്‍വശത്ത് എഫ് / 2.45 ലെന്‍സ് വരുന്ന 32 മെഗാപിക്സല്‍ ക്യാമറ വരുന്നു. വിവോ എക്സ് 60 ന് 256 ജിബി വരെ ഓണ്‍‌ബോര്‍ഡ് യു‌എഫ്‌എസ് 3.1 സ്റ്റോറേജ് ഉണ്ട്. 5 ജി, 4 ജി എല്‍ടിഇ, വൈ-ഫൈ, ബ്ലൂടൂത്ത് 5.1, ജിപിഎസ് / എ-ജിപിഎസ്, എന്‍‌എഫ്‌സി, യുഎസ്ബി ടൈപ്പ്-സി പോര്‍ട്ട് എന്നിവ കണക്റ്റിവിറ്റി ഓപ്ഷനുകളില്‍ ഉള്‍പ്പെടുന്നു. ആക്‌സിലറോമീറ്റര്‍, ആംബിയന്റ് ലൈറ്റ് സെന്‍സര്‍, ഗൈറോസ്‌കോപ്പ്, മാഗ്നെറ്റോമീറ്റര്‍, പ്രോക്‌സിമിറ്റി സെന്‍സര്‍ എന്നിവ ബോര്‍ഡിലെ സെന്‍സറുകളില്‍ ഉള്‍പ്പെടുന്നു. ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സറും ഈ ഫോണിലുണ്ട്. വിവോ എക്സ് 60 ല്‍ 33W ഫാസ്റ്റ് ചാര്‍ജിംഗ് സപ്പോര്‍ട്ട് ചെയ്യുന്ന 4,300 എംഎഎച്ച്‌ ബാറ്ററിയാണ് നല്‍കിയിരിക്കുന്നത്. ഈ ഫോണിന്റെ ഭാരം 176.2 ഗ്രാമാണ്.വിവോ എക്സ് 60 പോലെ, ഡ്യുവല്‍ നാനോ സിം വരുന്ന വിവോ എക്സ് 60 പ്രോയും ഒറിജിനസ് ഓപ്പറേറ്റിംഗ് സിസ്റ്റത്തിനൊപ്പം ആന്‍ഡ്രോയിഡ് 11 ല്‍ പ്രവര്‍ത്തിക്കുന്നു. കൂടാതെ, 6.56 ഇഞ്ച് ഫുള്‍ എച്ച്‌ഡി + (1,080×2,376 പിക്‌സല്‍) അമോലെഡ് ഡിസ്‌പ്ലേയുമുണ്ട്. 12 ജിബി റാമിനൊപ്പം എക്‌സിനോസ് 1080 SoC പ്രോസസറും ഈ ഫോണില്‍ പ്രവര്‍ത്തിക്കുന്നു. വിവോ എക്സ് 60 ല്‍ നിങ്ങള്‍ക്ക് ലഭിക്കുന്നതിനേക്കാള്‍ മികച്ച ക്വാഡ് റിയര്‍ ക്യാമറ സെറ്റപ്പാണ് ഇതില്‍ വരുന്നത്. ക്യാമറ സെറ്റപ്പില്‍ 48 മെഗാപിക്സല്‍ പ്രൈമറി സെന്‍സര്‍, എഫ് / 1.48 ലെന്‍സും ഒഐഎസ് പിന്തുണയും, 13 മെഗാപിക്സല്‍ അള്‍ട്രാ വൈഡ് ആംഗിള്‍ ഷൂട്ടര്‍, 13 മെഗാപിക്സല്‍ പോര്‍ട്രെയിറ്റ് ഷൂട്ടര്‍, എഫ് / 3.4 അപ്പേര്‍ച്ചറുള്ള 8 മെഗാപിക്സല്‍ പെരിസ്‌കോപ്പ് ഷൂട്ടര്‍ എന്നിവ ഉള്‍ക്കൊള്ളുന്നു. പെരിസ്‌കോപ്പ് ഷൂട്ടര്‍ പ്രത്യേകിച്ച്‌ 5x ഒപ്റ്റിക്കല്‍ സൂം, 60x സൂപ്പര്‍സൂം എന്നിവ പ്രവര്‍ത്തനക്ഷമമാക്കുന്നു. ക്യാമറ സെറ്റപ്പില്‍ ലേസര്‍ ഓട്ടോഫോക്കസ് സെന്‍സറും നല്‍കിയിരിക്കുന്നു. വിവോ എക്സ് 60 പ്രോയില്‍ എഫ് / 2.45 ലെന്‍സ് വരുന്ന 32 മെഗാപിക്സല്‍ ക്യാമറ സെന്‍സര്‍ ഉണ്ട്. വിവോ എക്സ് 60 പ്രോയില്‍ 256 ജിബി ഇന്റേണല്‍ സ്റ്റോറേജും വരുന്നു. 5 ജി, 4 ജി എല്‍ടിഇ, വൈ-ഫൈ, ബ്ലൂടൂത്ത് 5.1, ജിപിഎസ് / എ-ജിപിഎസ്, എന്‍‌എഫ്‌സി, യുഎസ്ബി ടൈപ്പ്-സി പോര്‍ട്ട് എന്നിവ കണക്റ്റിവിറ്റി ഓപ്ഷനുകളില്‍ ഉള്‍പ്പെടുന്നു. ഓണ്‍‌ബോര്‍ഡ് സെന്‍സറുകളില്‍ ആക്‌സിലറോമീറ്റര്‍, ആംബിയന്റ് ലൈറ്റ് സെന്‍സര്‍, ഗൈറോസ്‌കോപ്പ്, മാഗ്നെറ്റോമീറ്റര്‍, പ്രോക്‌സിമിറ്റി സെന്‍സര്‍ എന്നിവ ഉള്‍പ്പെടുന്നു. വിവോ എക്സ് 60 പ്രോയില്‍ 33W ഫാസ്റ്റ് ചാര്‍ജിംഗിനെ സപ്പോര്‍ട്ട് ചെയ്യുന്ന 4,200 എംഎഎച്ച്‌ ബാറ്ററി ലഭിക്കും. ഈ ഫോണിന്റെ ഭാരം 178 ഗ്രാമാണ്.
