വിവോ Y12s ബജറ്റ് സ്മാർട്ട്ഫോൺ വിപണിലേക്ക്;വില 9,990 രൂപ
ചൈനീസ് സ്മാർട്ട്ഫോൺ ബ്രാൻഡായ വിവോയുടെ ലോഞ്ച് പരമ്പര തുടരുന്നു. കഴിഞ്ഞ ദിവസം മിഡ്റേഞ്ച് സ്മാർട്ട്ഫോൺ സെഗ്മെന്റലിലേക്ക് Y51A അവതരിപ്പിച്ച വിവോ തൊട്ടടുത്ത ദിവസം 10,000 രൂപയ്ക്ക് താഴെ വില വരുന്ന ബജറ്റ് സ്മാർട്ട്ഫോൺ സെഗ്മെന്റിലേക്ക് Y12s അവതരിപ്പിച്ചു. കഴിഞ്ഞ വർഷം മെയിൽ വിവോ അവതരിപ്പിച്ച Y12 സ്മാർട്ട്ഫോണിന്റെ പിൻഗാമിയാണ് Y12s. 3 ജിബി റാമും 32 ജിബി ഓൺബോർഡ് മെമ്മറിയുമുള്ള Y12s ഫാന്റം ബ്ലാക്ക്, ഗ്ലേസിയർ ബ്ലൂ നിറങ്ങളിലാണ് വിപണിയിലെത്തിയിരിക്കുന്നത്. 9,990 രൂപയാണ് വില. വിവോ ഇന്ത്യ ഇ-സ്റ്റോർ, ആമസോൺ, ഫ്ലിപ്കാർട്ട്, പേടിഎം, ടാറ്റാക്ലിക്ക് തുടങ്ങിയ വെബ്‌സൈറ്റുകളിലൂടെയും റീറ്റെയ്ൽ സ്റ്റോറുകൾ വഴിയും വിവോ Y12s വാങ്ങാം.
ഏറ്റവും പുതിയ ആൻഡ്രോയിഡ് 11 അടിസ്ഥാനമാക്കിയുള്ള ഫൺടച്ച് OS 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന വിവോ Y12s-ന് 6.51 ഇഞ്ച് ഫുൾ എച്ച്ഡി+ (720 x 1,408 പിക്‌സൽ) ഐപിഎസ് ഡിസ്‌പ്ലേയാണ്. 20:9 ആസ്പെക്ട് റേഷ്യോ ഈ ഡിസ്‌പ്ലേയ്ക്കുണ്ട്. ഒക്ടകോർ മീഡിയടെക് ഹീലിയോ P35 SoC പ്രോസസ്സർ ആണ് ഫോണിന്. 32 ജിബിയുടെ ഇന്റേണൽ സ്റ്റോറേജ് മൈക്രോ എസ്ഡി കാർഡ് വഴി വർദ്ധിപ്പിക്കാം.
വിവോ Y12s-ന് ഡ്യുവൽ റിയർ ക്യാമറയാണ്, 13 മെഗാപിക്സൽ പ്രൈമറി സെൻസറും (എഫ് / 2.2 ലെൻസ്), 2 മെഗാപിക്സൽ സെക്കൻഡറി സെൻസറും (എഫ് / 2.4 ലെൻസ്) ചേർന്നതാണ് ഡ്യുവൽ കാമറ. സെൽഫികൾക്കും വീഡിയോ ചാറ്റുകൾക്കുമായി, ഫോണിന്റെ മുൻവശത്ത് ഒരു എഫ് / 1.8 ലെൻസുള്ള 8 മെഗാപിക്സൽ ക്യാമറായാണ്.
10W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് ഫോണിന്. ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.0, യുഎസ്ബി ടൈപ്പ്-സി, ജിപിഎസ്, യുഎസ്ബി ഒടിജി, എഫ്എം റേഡിയോ എന്നിവയാണ് കണക്ടിവിറ്റി ഓപ്ഷനുകൾ. 191 ഗ്രാം മാത്രം ഭാരമുള്ള വിവോ Y12s-ന് ഒരു വശത്ത് ക്രമീകരിച്ച ഫിംഗർ പ്രിന്റ് സ്കാനറുണ്ട്. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, പ്രോക്‌സിമിറ്റി സെൻസർ എന്നിവയാണ് ഫോണിലെ സെൻസറുകൾ.
